22 ноември, четврток / 18:00 ч
Јас и мојот живот без некои работи
Makedonija/Romanija 2007 40 min.
Режија: Ilija Piperkovski
Сценарио: Ilija Piperkovski
Продукција:
Илија Пиперкоски е роден 1969 година во Охрид, Македонија.
Филмографија: „Зошто го направив својот грев“
Содржина/Плот
Македонскиот режисер Илија Пиперкоски, кој студира во Букурешт, својот прв документарен филм „Јас и мојот живот без некои работи“ го направи следејќи го патешествието низ Романија на 22-годишпниот Ром, Думитру Драгош, кој тргна во потрага на својот татко. Потрагата ќе заврши сосем неочекувано, но низ неа ќе ја откриеме потресната животна судбина на Драгош, кој и покрај се нема да ја загуби својата ведрина и решителност.
19 ноември, понеделник / 18:00 ч
ТРУПЕЦ ПОЛН СО ОЛОВО
Хрватска, 2006, 28 минути
Режија: Бранко Шмит
Сценарио: Бранко Шмит
Продукција: 4 Film Ltd.
Содржина/Плот
Овој филм говори за неможноста хрватските воени ветерани да се социјализираат во современото хрватско општество, должејќи на фактот дека во Хрватска - земја во транзиција во која владее бескруполозниот капитализам, малкумина ги разбираат нивните потреби и болести.
Бранко Шмит е роден во Осиек 1957 година. Фимографија: Hawk Did Not Love Him, 1988, “Djuka Begovic”, 1991, “Six Seconds for Life”, 1992, “Memento of Vukovar”1993, “Vukovar is Going Home”, 1994, “Christmas in Vienna” 1997, “Mass for the New Life”, 1998, “Heart is not Trendy”, 1999, “Queen of the Night”. 2001, „Melon Route“ , 2006,
17 ноември, сабота / 18:00 ч
ЌЕ ТЕ УБИЈАМ
Хрватска 2006, 30 минути
Режија: Никола Страшек
Сценарио: Никола Страшек
Продукција: ADU Zagreb
Содржина/Плот
„Ќе те убијам“ е направен како студентска пракса на трета година на Академијата за драмски уметности, отсек филм и ТВ режија. Филмот расветлува трагичен настан што се случи во Загреб на Божик во 1998 година – настан што траеше само неколку секунди, но беше со доживотни последици. Судскиот процес и одлежувањето на казната траеја речиси 10 години. Никола Страшек мина две години со протагонистите собирајќи интригантни, екстравагантни и понекогаш шокантни материјали.
Никола Страшек е роден во 1978 година во Загреб. Тој има завршено класична гимназија, студирал компаративна литература и латински на Филолошкиот факултет, а во моментов е пред дипломирање на Академијата за драмски уметности во Загреб, отсек филм и ТВ режија.
19 ноември, понеделник / 18:00
ОГЛЕДАЛО, ОГЛЕДАЛО Косово, 2006, 30 минути
Режија: Блерта Башоли
Сценарио: Блерта Башоли, Севдије Кастрати, Антонета Кастрати
Продукција: Crossing Bridges
Блерта Башоли е родена 1983 година.
Филмографија: Living under your breath” 2003, “Doing business in Kosovo 2005, “Mirror, mirror…” 2006.
Содржина/Плот
Огледало, огледало е фим за жена вработена во ТВ- куќите во Косово, кој го истражува, предизвикува и рефлектира начинот на кој жените се претставени во медиумите. Следи неколку косовски тинејџерки и како на нив влијае портретот на жената која се појавува на телевизиските канали, филмот покажува како оваа појава влијае на младите девојки и жени.
18 ноември, неделa / 18:00 ч
СНЕГУЛКИ
Албанија, 2006, 30 минути.
Режија: Роберт Будина
Сценарио: Роберт Будина
Содржина/Плот
Човек и жена, на педесет годишна возраст, во Тирана... Таа е тешко болна и може да се спаси само во болница во странство. Но им треба виза.... но во Тирана, работите не се едноставни: понекогаш, времето не е само пари, туку и живот...
21 ноември, среда / 18:00 ч
Нежна топлина – дива, дива плажа
Русија/Германија 2006, 125 минути
Режија: Александер Расторгуев, Виталиј Мански и Сузана Баранжиева
Сценарио: Александер Расторгуев, Виталиј Мански и Сузана Баранжиева
Продукција: Studio Vertov
Александер Расторгуев е роден во 1971 година во Ростов на Дон/ Русија, каде што и студира филологија на Државниот универзитет. Во периодот од 1994-2000 гофина студира режија на Академијата за театарска уметност во Санкт Петербург. „Good Bye, Boys“ 1997, „Draft Copy“ 1997, „Мotherland“ 1998, „Your Roots“, „My Century“ 1999, „The Mountain“, „Mummies“ 2001, „Maundy Thursday“ 2002.
Виталиј Мански е роден 1963 година во Лвов/Украина. Дипломира на ВГИК, студиото на Мединскиј и станува еден од најценетите современи руски режисери на документарци. „Lenin’s Body“ 1992, „Cuts of a Recurrent War“ 1993, „Etudes about Love“ 1995, „Gorbatchev. After Empire“, „Yeltsin. Another Life“, „Putin. Leap Year“ 2001, „Broadway. Black Sea“ 2003, „Gagarin’s pioneers“ 2005.
Сузана Баранжиева дипломира на Факултетот за новинарство на Државниот универзитет на Ростов на Дон/Русија. Долго време таа работи во водечки весник во Ерменија и стана еден од водечките новинари на Републикански прес. Овој филм е нејзино деби како режисер.
Содржина/Плот
Секое утро во изминатите 25 години, наследникот на плажа и фотограф Евгениј и неговата камила, купена во степата Калмјук, се на пат кон нивното вообичаено работно место – плажата на брегот на Црното Море, свет на голи луѓе.
Да се биде попрецизен: голи луѓе во сите значења на зборот – номинални и фигуративни.
Филмот покажува различни карактери кои формираат единствен портрет на состојбата на светот во кој живееме. И иронија и меланхолија, чистота и подлост, љубовни приказни и предавства, живот и смрт се опишани во развојот на карактерите.
18 ноември, неделa / 18:00 ч
ПИЛЕШКИ ИЗБОРИ
Србија, 2005, 52 минути
Режија: Горан Радовановиќ
Сценарио: Горан Радовановиќ
Продукција: NAMA FILM
Горан Радовановиќ е роден во Белград 1957. Филмографија: “Oktoberfest”, 1987, “Byzantium” 1988,
“East of Paris, Down the Danube From Vienna...”, 1991, “Hospitality of Abraham”, 1993, ”Columba urbica”, 1994, “Eastbyeastwest”, 1994, “We are here to stay”, 1996, “Second Circle”, 1998 ,”The Picture”,1999, “Teenage”, 1999, “My country – for internal use only” , 2000, “Model House”, 2000, “OTPOR: The Fight To Save Serbia”, 2001, “CASTING – A South East Europe Transition Film”, 2003,
Содржина/Плот
Пилешки избори е филм за современото општество во руралниот Балкан. Оваа приказна зборува за една стара србинка селанка која се труди да научи да ракува со мобилен телефон подарен од нејзиниот внук, локален сообраќаен полицаец.
Пилешки избори е смешна, тажна и прекрасна приказна за осаменоста, депопулацијата и смрт пред смртта...
21 ноември, среда / 18:00
ЗА 4 ГОДИНИ
Хрватска, 2006, 13 минути.
Режија: Небојша Слепчевиќ
Сценарио: Мартина Глобочник, Небојша Слепчевиќ
Продукција: FADE IN
Небојша Слепчевиќ е роден 1973 година. Тој е филмски и ТВ режисер. Дипломира на АДУ Загреб, а од 2002 ја режира и продуцира за ХРТ документарната серија Директ за жвотот на младите.
Содржина/Плот
26 годишниот Дамир, студент на англиската катедра, сонува еден ден да стане познат холивудски актер, следниот Брус Вилис.
22 ноември, четврток / 18:00 ч
СЕВДАХ- МОСТОТ ШТО ПРЕЖИВЕА
Босна и Херцеговина, 2004, 60 минути
Режија: Мира Ердевички
Сценарио: Мира Ердевички
Продукција: Arcimboldo Production
Мира Ердевички е роден во Југославија 1965 година. Филмографија: “The first 25 are the hardest “1991, “Actors in the Asylum “1993, “Karel‘s last Christmas at home”, 1993, “Foreigners in their own Country”, 1995, “Black and White in Colour”,1999, “Somewhere Better”, 2003., “The Man with an Opera House in his Living Room”, 2003.
Содржина/Плот
Севдах- Мостот што преживеа прикажува прекрасни музички исклучителни карактери од Босна. Босанска музичка група соочена со меѓуетничката тензија продолжува да свири за време на цивилната војна. Симболизирајќи ги најоптимистишките аспекти од нивната култура мораат да свират на повторното отварање на познатиот мост.
17 ноември, сабота / 18:00 ч
Шугартаун: младоженци
Грција/Германија 2006, 82 минути
Режија: Кимон Цакирис
Сценарио: Кимон Цакирис
Продукција: Bi-Optic and Anemon Productions
Кимон Цакирис (1974) е магистер по меѓународни односи, со специјалност во европските медиуми и доктор по меѓународна економија (Универзитетот во Мастрихт). Студира режија во Велика Британија, Шпанија и Холандија.
„86.400 (The Day After?)“, 2004, „The Stranger“, 2004
Содржина/Плот
Во грчкото село Zaharinovo мажите имаат сериозен проблем. Жените ја напушптаат областа во потрага по работа или брак во големите градови, оставајќи ги осамени. Нивниот итар градоначалник им ветува на мажите дека ќе им најде жени со цел да обезбеди реизбор. Тој контактира со градоначаникот на рускиот град Клин, кој пак собира 100 млади жени кои бараат сопрузи од странство. Наспроти изгледите и локалните традиции кои со недоверба гледаат кон мешаните бракови, мажите од Шугартаун тргнуваат на големо патување за да си најдат сопруги.
20 ноември, вторник / 18:00 ч
Гласовите на Бам
Холандија 2006, 90 минути
Режија: Масја Омс и Алиона ван дер Хорст
Сценарио: Масја Омс и Алиона ван дер Хорст
Продукција: ZEPPERS FILM & TV
Алиона ван дер Хорст е родена во Москва, но пораснала во Холандија. Таа студира режија на документарци на Академијата за холандски филм и телевизија. „The Lady with the White Hat“ 1997, „Chained“ 1997, „The Little Red Box“ 1998, „After the Spring of ‘68“ 2000, добитник на холандскиот „Оскар“ за најдобар документарец; „Hermitaz-niks“ 2003, „Relieved“ 2004.
Содржина/Плот
Силниот земјотрес што на 26 декември 2003 година го погоди античкиот град Бам во југоисточниот дел на Иран одзеде 43.000 човечки животи, повреди 20.000 лица, а 60.000 остави без покрив над главата. Инспирирани од фотографиите од урнатините кои се единствениот преостанат опиплив потсетник на животот пред земјотресот, режисерите изгледаат како да ги наслушнуваат жителите на градот, кои една година подоцна се обидуваат да продолжат со своите животи. Тагата и вината изразена од преживеаните предизвикува универзална хармонија, а несовладливата животна сила што тие ја отелотворуваат е незаборавна.
Масја Омс е родена во 1968 година и студирала на Холандската академија за фотографија и уметност и на Академијата за холандски филм и телевизија. Таа работи со Ван дер Хорст уште од „The Lady with the White Hat“. Омс е кинематограф на голем број документарци, а во 2003 година почнува со корежирање на документарци.
